Ngjarja tragjike në Jabllanicë, Sveçla: Çdo shprehje e ngushëllimeve të mia nuk e mbërrin brengën që mbartin familjet

14:01 | 2 Shkurt 2025
E.G

Ministri i Punëve të Brendshme, Xhelal Sveçla ka reaguar pas tragjedisë në Jabllanicë të Gjakovë ku humbën jetën tre fëmijë.

Me anë të një postimi në Facebook, ai tha se çdo shprehje e ngushëllimeve të mia nuk e mbërrin brengën që mbart për familjet Rama, Morina dhe Mehmeti për humbjen e bijve të tyre, shkruan Arbresh.info.

“Dhimbje e pikëllim i madh në Jabllanicë, Gjakovë e në mbarë Kosovën. Mbrëmë tri familje të të njëjtit fshat, fshatit Jabllanicë, humbën tragjikisht tre fëmijë në moshë të njomë e të ëndrrave për një jetë që nis. Çdo shprehje e ngushëllimeve të mia nuk e mbërrin brengën që mbart për familjet Rama, Morina dhe Mehmeti për humbjen e bijve të tyre. Në këto momente të vështira qëndrojmë pranë tyre dhe ndajmë dhimbjen e madhe me ta.”, thuhet në njoftim.

“Shpirtat e tyre të njomë u prehshin në paqe!”, ka shkruar ai./Arbresh.info/